Daad doon chand ki khubsurti ki,
Tabhi itne taaron ne uski nigraani ki.
Ek chehra apka chand sa,
Ek zidd hamari chand ko paane ki...
Ek adaa apki dil churane ki,
Ek nazar apki madhosh kar dene ki.
Ek husn apka dilnasheen,
Ek zidd hamari deewana bann jaane ki...
Kasam hai inn jhukte palkon ki,
Harr waqt khuda se apki dua ki.
Sau daleel apke afsana bane rehne ke,
Ek Zidd hamari apko hakiquat mein pirone ki...
Ek asar apke ehsaas ki,
Ek kadr apke jazbaat ki.
Hazaar wajah apke faaslon ka,
Ek zidd hamari apko apna banane ki...
Ek arzoo apko sirf dekhne ki,
Ek lamha apke saath guzaarne ki.
Woh darr apka ratt ke andheron ka,
Ek ummeed hamari Subah phir aane ki...
No comments:
Post a Comment